03/05/2014 18:12:07

Fillon java shëndetsore Kosovë - Turqi

Të dielën prezantohet para mediave ekipi nga Turqia e Kosova, në Qendrën Klinike Universitare në Prishtinë, në prani të autoriteteve shëndetësore nga të dy vendet

PRISHTINE - Në Kosovë nga sot deri në 10 maj mbahet java e dytë shëndetësore Kosovë - Turqi, ku ekspertët kosovarë së bashku me ekspertët nga Turqia do të kryejnë proçedura të ndryshme diagnostike dhe terapeutike në lëmitë: Kardiokirurgji, Kardiologji invazive, Gjinekologji, Kirurgji plastike, ORL, Gastroenterologji, Radiologji, Onkologji dhe Kirurgji e djegieve. Të dielën prezantohet para mediave ekipi nga Turqia e Kosova, në Qendrën Klinike Universitare në Prishtinë, në prani të autoriteteve shëndetësore nga të dy vendet. Gjatë javës së parë shëndetësore Kosovë-Turqi, organizuar në shtator të vitit të kaluar, janë kryer 127 kontrollime mjekësore, 139 konsultime, 50 operacione, 14 angiografi, 12 vendosje të stentave, 4 ERCP, 5 endoskopi, 20 ultrazë dhe janë mbajtur 11 seminare. Nga fundi i majit do të fillojë zbatimi i projektit të kujdesit intensiv qendror me 27 shtretër në hapësirat e Qendrës Klinike Universitare të Kosovës.

HermesNews - ©2014

Dërgo me email | Stampo artikullin